យោងតាម Al Jazeera និង NBC News លោក Kenneth Iwamasa ដែលជាអតីតជំនួយការផ្ទាល់របស់តារា Matthew Perry ត្រូវបានកាត់ទោសដោយចៅក្រម Sherilyn Garnett នៅតុលាការសហព័ន្ធសហរដ្ឋអាមេរិក។ ការកាត់ទោសធ្វើឡើងនៅថ្ងៃពុធ ទី២៧ ខែឧសភា ឆ្នាំ២០២៦ ដោយដាក់ទោសជាប់ពន្ធនាគាររយៈពេល ៤១ ខែ ឬប្រមាណ ៣ ឆ្នាំ ៥ ខែ។

តាមសេចក្តីរាយការណ៍របស់ South China Morning Post លោក Iwamasa គឺជាអ្នកដែលបានចាក់ថ្នាំ ketamine ដ៍សាហាវនោះឱ្យទៅលោក Perry ដោយផ្ទាល់ ហើយក៏ជាអ្នកប្រទះឃើញសាកសពរបស់លោក Perry អណ្ដែតក្នុងអាងទឹកក្ដៅនៅគេហដ្ឋានក្នុងទីក្រុងឡូសអេនជឺឡេស កាលពីខែតុលា ឆ្នាំ២០២៣។ លោក Iwamasa បានសារភាពពីបទសមគំនិតក្នុងការចែកចាយថ្នាំដែលបណ្ដាលឱ្យស្លាប់។

Al Jazeera បានរាយការណ៍ថា ការកាត់ទោសលោក Iwamasa នេះបានបញ្ចប់ដំណើរការចោទប្រកាន់ទៅលើជនជាប់ចោទទាំង ៥ នាក់ ក្នុងសំណុំរឿងនេះ។ ជនជាប់ចោទទាំងអស់បានសារភាពថាមានតួនាទីក្នុងការស្លាប់របស់តារាសម្ដែងរូបនេះ។

លោក Matthew Perry ជាតារាល្បីពីរឿងភាគទូរទស្សន៍ Friends របស់សហរដ្ឋអាមេរិក។ តាម NBC News លោក Perry បានទទួលមរណភាពដោយការប្រើថ្នាំ ketamine ជ្រុលកាលពីខែតុលា ឆ្នាំ២០២៣ នៅក្នុងអាងទឹកក្ដៅ។ មរណភាពនេះបាននាំឱ្យមានការស៊ើបអង្កេតដែលបង្ហាញពីបណ្ដាញចែកចាយថ្នាំខុសច្បាប់។