យោងតាមគេហទំព័រ The Verge កាលពីថ្ងៃទី ៤ សីហា ភាពយន្ត 'Spider-Man: Brand New Day' បានរកចំណូលទូទាំងពិភពលោក ប្រមាណ ១ ពាន់លានដុល្លារ ក្នុងរយៈពេល តិចជាង ១ សប្តាហ៍ ដែលធ្វើឲ្យវា ក្លាយជាខ្សែភាពយន្ត ដែលមានចំណូលបើកឆាកចុងសប្តាហ៍ធំបំផុត ក្នុងប្រវត្តិសាស្ត្រហូលីវូដ។ ភាពជោគជ័យនេះ បានបង្ហាញពី មូលហេតុដែល Sony មិនដែលបោះបង់សិទ្ធិផលិតភាពយន្ត Spider-Man និងភាពឆ្លាតវៃរបស់ Marvel Studios ក្នុងការចុះកិច្ចព្រមព្រៀង ដើម្បីបញ្ចូលតួអង្គនេះ ទៅក្នុងសកលភាពយន្តរបស់ខ្លួន។

ចំណែកឯ នៅទីផ្សារអាមេរិកខាងជើង វិញ គេហទំព័រ AsiaOne បានរាយការណ៍កាលពីថ្ងៃទី ៥ សីហា ថា ភាពយន្តនេះ រកចំណូលបើកឆាកបាន ៤៥៤ លានដុល្លារ ធ្វើឲ្យវា ជាការបើកឆាកធំបំផុតទី ២ នៅក្នុងតំបន់នេះ។

នៅប្រទេសឥណ្ឌា កាសែត Times of India បានរាយការណ៍ថា ចំណូលសុទ្ធ របស់ភាពយន្ត ក្នុង ៦ ថ្ងៃ បានឆ្លងផុត ៣៦០ កោដិរូពី ខណៈចំណូលសរុប កំពុងខិតជិត ៤០០ កោដិរូពី។ កំណែដាក់សម្លេងភាសាហិណ្ឌី បានទទួលការគាំទ្រខ្លាំង ជាមួយអត្រាកាន់កាប់កៅអីខ្ពស់ ហើយភាពយន្តនេះ ត្រូវបានគេរំពឹងថា នឹងក្លាយជាភាពយន្តហូលីវូដដែលរកចំណូលខ្ពស់បំផុតនៅឥណ្ឌា។

ទោះបីជាជោគជ័យខ្លាំងក៏ដោយ The Verge បានរាយការណ៍ផងដែរថា Marvel Studios នៅតែស្ថិតក្នុងស្ថានភាពមិនសូវល្អ នាប៉ុន្មានឆ្នាំចុងក្រោយ ហើយភាពជោគជ័យរបស់ Spider-Man មួយនេះ មិនមែនជាការធានាថា ក្រុមហ៊ុនបានងើបចេញពីបញ្ហានោះទេ។