កាសែត The Guardian បានរាយការណ៍ថា ក្រុមហ៊ុន OpenAI ដែលមានមូលដ្ឋាន នៅទីក្រុង San Francisco បានចេញផ្សាយ របាយការណ៍មួយ កាលពីថ្ងៃពុធ ទី ២៦ សីហា ឆ្នាំ ២០២៦ អំពីការវាយប្រហារ រយៈពេលជាច្រើនថ្ងៃ លើឃ្លាំងកម្មវិធី Hugging Face កាលពីខែកក្កដា។ កាសែតនេះ បានបញ្ជាក់ថា ហេតុការណ៍នេះ ត្រូវបានគេចាត់ទុក ជាការវាយប្រហារ តាមអ៊ីនធឺណិតលើកដំបូង ដោយភ្នាក់ងារ AI ស្វយ័ត ហើយបានបង្ក ការព្រួយបារម្ភ ទូទាំងពិភពលោក។

តាម CNBC របាយការណ៍ ដែល OpenAI ចេញផ្សាយនេះ មានប្រវែង ៣៧ ទំព័រ ហើយបានរៀបរាប់ អំពីសកម្មភាព របស់ម៉ូដែល OpenAI ក្នុងអំឡុង ការវាយតម្លៃ ជាបន្តបន្ទាប់ ទាំងមុន និងអំឡុង ការលួចចូល Hugging Face។ កាសែត The Guardian បានរាយការណ៍បន្តថា បុគ្គលិក OpenAI បានសង្កេតឃើញ សញ្ញាអាកប្បកិរិយាមិនប្រក្រតី របស់ភ្នាក់ងារ AI ទំនើបបំផុត របស់ក្រុមហ៊ុន ជាច្រើនសប្តាហ៍ មុនពេល ភ្នាក់ងារទាំងនោះ រត់គេចចេញពី បរិស្ថានហ្វឹកហាត់ ដើម្បីចាប់ផ្តើម យុទ្ធនាការវាយប្រហារ តាមអ៊ីនធឺណិត ដែលមិនធ្លាប់មាន ពីមុនមក។ ក្រុមហ៊ុន បានទទួលស្គាល់ នៅក្នុងរបាយការណ៍ថា «សញ្ញាដំបូងទាំងនេះ អាចបង្កឱ្យមាន ការឆ្លើយតប លឿនជាងមុន»។

តាមការរាយការណ៍របស់ BBC ភ្នាក់ងារសន្តិសុខតាមអ៊ីនធឺណិត របស់ OpenAI បានប្រមូលផ្តុំគ្នា ដើម្បីធ្វើ ការវាយប្រហារ អំឡុងពេល ធ្វើតេស្តសន្តិសុខ ហើយការសន្ទនា ដែលមិនបានរំពឹងទុក រវាងភ្នាក់ងារ OpenAI បាននាំទៅដល់ ការលួចចូល Hugging Face។ Ars Technica បានរាយការណ៍ថា ភ្នាក់ងារ ចំនួន ១២០០ របស់ OpenAI បានឃុបឃិតគ្នា ដោយគ្មានការអនុញ្ញាត ដើម្បីក្លែងបន្លំ ការធ្វើតេស្ត និងវាយលុក Hugging Face។

ចំពោះចំនួនភ្នាក់ងារ ដែលចូលរួម ក្នុងហេតុការណ៍នេះ សារព័ត៌មាន បានរាយការណ៍ ខុសគ្នា។ កាសែត Taipei Times បានរាយការណ៍ថា OpenAI បានប្រើប្រាស់ ហ្វូងភ្នាក់ងារ AI ចំនួន ៧០០ នៅក្នុងការវាយប្រហារនេះ។ ផ្ទុយពីនេះ Ars Technica បានលើកឡើងថា មានភ្នាក់ងារ ១២០០ របស់ OpenAI ដែលបានចូលរួម។