The Guardian បានរាយការណ៍ថា ការឈ្នះឆ្នោតនេះមានន័យថា គណបក្ស BJP បានដណ្តើមយកបានរដ្ឋមួយដែលធ្លាប់ជាបន្ទាយរឹងមាំរបស់គណបក្សប្រឆាំង ហើយវាជាការពង្រឹងអំណាចបន្ថែមទៀតរបស់លោកម៉ូឌី ដែលគ្មានគូប្រកួតប្រជែង។

តាមការរាយការណ៍របស់ South China Morning Post គណៈកម្មការបោះឆ្នោតឥណ្ឌា បានចេញផ្សាយលទ្ធផលដំបូងបង្ហាញថា គណបក្ស BJP បានឈ្នះយ៉ាងហោចណាស់ ១២៤ អាសនៈ ក្នុងសភារដ្ឋ វេស្ទប៊ែងហ្គាល់ ដែលមានសរុប ២៩៤ អាសនៈ និងកំពុងនាំមុខក្នុង ៨៣ អាសនៈផ្សេងទៀត។ លទ្ធផលផ្លូវការត្រូវបានរំពឹងថានឹងប្រកាសនៅល្ងាចថ្ងៃច័ន្ទ។

Deutsche Welle បានរាយការណ៍ថា លោកម៉ូឌី សង្ឃឹមថានឹងពង្រីកឥទ្ធិពលរបស់គណបក្ស BJP ទៅកាន់រដ្ឋផ្សេងទៀតដែលនៅតែស្ថិតក្រោមការគ្រប់គ្រងរបស់គណបក្សប្រឆាំង។ រដ្ឋ វេស្ទប៊ែងហ្គាល់ ដែលស្ថិតនៅភាគខាងកើតឥណ្ឌា គឺជារដ្ឋធំ និងមានសារៈសំខាន់ខាងនយោបាយ។

យ៉ាងណាក៏ដោយ New York Times បានរាយការណ៍ថា គូប្រកួតប្រជែងដែលចាញ់ឆ្នោត បានចោទប្រកាន់គណបក្ស BJP ពីបទលួចបន្លំក្នុងការបោះឆ្នោតនេះ។ គណបក្ស BJP ក៏បានធ្វើឱ្យមានការរីកចម្រើនបន្ថែមទៀតនៅរដ្ឋផ្សេងៗទូទាំងប្រទេស តាមការរាយការណ៍របស់ New York Times។