រូបថត ផ្កាយរណប ដែល ថត បាន នៅ ថ្ងៃ ទី ៨ ខែ ឧសភា ឆ្នាំ ២០២៦ និង ត្រូវ បាន ចុះ ផ្សាយ ដោយ សារព័ត៌មាន អន្តរជាតិ នៅ ថ្ងៃ ទី ៩ ខែ ឧសភា បាន បង្ហាញ ពី ការ លេច ធ្លាយ ប្រេង ឆៅ ដ៏ ធំ មួយ នៅ ជិត កោះ ខាក ក្នុង ឈូងសមុទ្រ ពែក្ស ។ តាម ការ រាយការណ៍ របស់ France24 New York Times និង NDTV ផ្ទាំង ប្រេង នេះ មាន ទំហំ ធំ ធេង និង កំពុង រាល ដាល យ៉ាង លឿន ។

យោង តាម NDTV កោះ ខាក គឺ ជា កំពង់ផែ ប្រេង ដ៏ ធំ បំផុត របស់ អ៊ីរ៉ង់ ដែល មាន បំពង់ បង្ហូរ ប្រេង ធុង ស្តុក និង ស្ថានីយ នាំ ចេញ ដ៏ សំខាន់ ។ ការ លេច ធ្លាយ នេះ បាន ធ្វើ ឲ្យ មាន ការ ព្រួយ បារម្ភ អំពី ស្ថានភាព ហេដ្ឋារចនាសម្ព័ន្ធ ប្រេង របស់ អ៊ីរ៉ង់ ខណៈ ដែល ប្រទេស នេះ កំពុង ប្រឈម នឹង សម្ពាធ កាន់ តែ ខ្លាំង ពី ការ បិទ ខ្ទប់ ផ្លូវ សមុទ្រ ដោយ កង ទ័ព ជើង ទឹក សហរដ្ឋ អាមេរិក នេះ បើ តាម ការ រាយការណ៍ របស់ France24 ។

មួយ វិញ ទៀត កាសែត 9News របស់ អូស្ត្រាលី បាន រាយការណ៍ ថា មន្ទីរ បញ្ចកោណ សហរដ្ឋ អាមេរិក ពុំ បាន បដិសេធ ចំពោះ សំណួរ ដែល សួរ ថា តើ ខ្លួន បាន វាយ ប្រហារ លើ ហេដ្ឋារចនាសម្ព័ន្ធ នៅ កោះ ខាក ដែរ ឬ ទេ ។ ការ មិន បដិសេធ នេះ បាន បង្ក ឲ្យ មាន ការ សង្ស័យ ថា សហរដ្ឋ អាមេរិក អាច បាន វាយ ប្រហារ លើ ហេដ្ឋារចនាសម្ព័ន្ធ ស៊ីវិល ដែល ជា គោល ដៅ នាំ ចេញ ប្រេង ដ៏ សំខាន់ របស់ អ៊ីរ៉ង់ ។ ទោះ ជា យ៉ាង ណា ក៏ ដោយ ពុំ មាន ការ បញ្ជាក់ ជា ផ្លូវការ ណា មួយ ពី ភាគី ទាំង ពីរ នៅ ឡើយ ទេ ។ មូលហេតុ ពិត ប្រាកដ នៃ ការ លេច ធ្លាយ នេះ ក៏ នៅ មិន ទាន់ ដឹង នៅ ឡើយ ដែរ ហើយ គេ ពុំ ទាន់ អាច បញ្ជាក់ បាន ថា តើ វា កើត ឡើង ដោយ សារ ការ វាយ ប្រហារ ឬ ក៏ បញ្ហា បច្ចេកទេស ។