កាលពីថ្ងៃចន្ទ ទី១៨ ខែឧសភា ឆ្នាំ២០២៦ មានហេតុការណ៍បាញ់ប្រហារមួយបានកើតឡើងនៅឯមជ្ឈមណ្ឌលឥស្លាម San Diego ក្នុងរដ្ឋ California សហរដ្ឋអាមេរិក។ តាមការរាយការណ៍របស់ BBC និង Al Jazeera ការបាញ់ប្រហារនេះបានបណ្តាលឱ្យមនុស្ស ៣ នាក់បាត់បង់ជីវិត ក្នុងនោះមានលោក Amin Abdullah ដែលជាឆ្មាំសន្តិសុខប្រចាំមជ្ឈមណ្ឌល។
Al Jazeera រាយការណ៍ថា លោក Abdullah កំពុងបំពេញភារកិច្ចនៅពេលដែលក្រុមជនប្រព្រឹត្តិការបាញ់ប្រហារបានព្យាយាមចូលទៅក្នុងមជ្ឈមណ្ឌល។ គាត់បានបង្ហាញភាពក្លាហានដោយចេញមុខរារាំងពួកគេ ដើម្បីការពារអ្នកនៅខាងក្នុង។ យោងតាម NBC News នៅពេលនោះ មានកុមារជាង ១២ នាក់ និងបុគ្គលិកកំពុងស្ថិតនៅក្នុងសាលារៀនមួយដែលស្ថិតក្នុងបរិវេណវិហារឥស្លាម ហើយលោក Abdullah បានលះបង់ជីវិតដើម្បីការពារពួកគេ។
BBC បានរាយការណ៍ថា លោក Amin Abdullah មានកូនរហូតដល់ ៨ នាក់ ហើយត្រូវបានអ្នកស្គាល់គ្នាពណ៌នាថាជា «ពន្លឺដ៏ភ្លឺចែងចាំង» (a shining light) ដោយសារតែចិត្តសប្បុរស និងភាពកក់ក្តៅរបស់គាត់។ តាម Al Jazeera ពាក្យសសើររាប់មិនអស់បានហូរចូលតាមបណ្តាញសង្គម ដោយមនុស្សជាច្រើនបានលើកឡើងថា គាត់គឺជាវីរជនពិតប្រាកដ ដែលបានជួយសង្គ្រោះជីវិតអ្នកដទៃ។
NBC News ក៏បានរាយការណ៍ផងដែរថា មានការរៃអង្គាសប្រាក់តាមអនឡាញបានទឹកប្រាក់ជាង ១,៤ លានដុល្លារអាមេរិក សម្រាប់ជួយគ្រួសាររបស់លោក Abdullah។