ក្រុងឡូសអេនចឺឡេស សហរដ្ឋអាមេរិក — លោក Kenneth Iwamasa អាយុ ៦១ ឆ្នាំ ជំនួយការផ្ទាល់របស់តារាសម្តែង Matthew Perry នឹងត្រូវប្រកាសទោសនៅតុលាការសហព័ន្ធ Los Angeles នៅថ្ងៃពុធ ទី២៧ ខែឧសភា ឆ្នាំ២០២៦។ តាមកាសែត The Guardian លោក Iwamasa បានសារភាពកំហុសពីបទ «ចែកចាយថ្នាំ Ketamine ដែលបណ្តាលឱ្យស្លាប់»។ រដ្ឋអាជ្ញាសហព័ន្ធកំពុងស្នើឱ្យតុលាការដាក់ទោសគាត់ជាប់ពន្ធនាគាររយៈពេល ៣ ឆ្នាំ និង ៥ ខែ។

The Guardian រាយការណ៍ថា លោក Iwamasa មិនមានការបណ្តុះបណ្តាលវេជ្ជសាស្ត្រទេ ប៉ុន្តែបានចាក់ថ្នាំ Ketamine ឱ្យលោក Perry ជាច្រើនដង ដោយរាប់បញ្ចូលទាំងថ្ងៃដែលគេរកឃើញសពតារារឿង Friends ក្នុងអាងទឹកក្រៅផ្ទះរបស់គាត់នៅ Los Angeles កាលពីឆ្នាំ ២០២៣។ ការស៊ើបអង្កេតជាបន្តបន្ទាប់បានសន្និដ្ឋានថាមូលហេតុនៃការស្លាប់គឺការប្រើជ្រុលថ្នាំ Ketamine ។

NDTV បានរាយការណ៍ថា លោក Iwamasa គឺជាជនជាប់ចោទចុងក្រោយក្នុងចំណោម ៥ នាក់ក្នុងសំណុំរឿងនេះ។ ចៅក្រម Sherilyn Peace Garnett បានកាត់ទោសជនជាប់ចោទ ៤ នាក់ផ្សេងទៀតរួចហើយក្នុងរយៈពេលមួយឆ្នាំកន្លងមក។ ការកាត់ទោសថ្ងៃនេះនឹងបញ្ចប់ដំណាក់កាលតុលាការនៃសំណុំរឿងដែលបានទាក់ទាញការចាប់អារម្មណ៍ពីសាធារណជន បន្ទាប់ពីការស្លាប់របស់តារារឿង Friends ដែលល្បីទូទាំងពិភពលោក កាលពីឆ្នាំ ២០២៣។