តាម ការរាយការណ៍ របស់ Phnom Penh Post លោក ហ៊ុន ម៉ាណែត បាន អញ្ជើញ ជា អធិបតី ក្នុង ពិធី ទិវាមច្ឆជាតិ ហើយ បាន ដឹកនាំ ការ ដោះ លែង កូន ត្រី ចំនួន ១,៥ លាន ក្បាល ចូល ក្នុង ទន្លេ វ៉ៃគោ នៅ ក្រុង ស្វាយរៀង ខេត្ត ស្វាយរៀង កាល ពី ព្រឹក ថ្ងៃ ទី ១ ខែ កក្កដា ។ លោក បាន ចេញ បទបញ្ជា ឱ្យ កង កម្លាំង ប្រដាប់អាវុធ ក្រសួង និង ស្ថាប័ន ពាក់ព័ន្ធ ទាំងអស់ រួមគ្នា ទប់ស្កាត់ និង បង្រ្កាប រាល់ បទល្មើស នេសាទ ពិសេស ត្រូវ ចាប់ខ្លួន មេខ្យល់ យកមក ផ្តន្ទាទោស តាម ច្បាប់ ដើម្បី ការពារ ជលផល និង ធ្វើឱ្យ ផល នេសាទ កើន ឡើង សម្រាប់ ផលប្រយោជន៍ រួម របស់ ប្រជានេសាទ សហគមន៍ និង សង្គមជាតិ ។

Phnom Penh Post បាន រាយការណ៍ បន្ថែម ថា លោក នាយករដ្ឋមន្រ្តី បាន បញ្ជាក់ ថា ក្នុង រយៈពេល ២ ឆ្នាំ ចុងក្រោយ នេះ លោក បាន បញ្ជា ឱ្យ កងទ័ពជើងគោក បញ្ចេញ កម្លាំង ចុះ ជួយ រដ្ឋបាលជលផល និង សមត្ថកិច្ច ក្នុង ប្រតិបត្តិការ បង្ក្រាប បទល្មើស នេសាទ នៅ បឹង ទន្លេសាប ដែល ជា តំបន់ មាន បទល្មើស ច្រើន ដោយសារ ក្រុម ជនល្មើស ប្រើប្រាស់ ឧបករណ៍ ទំនើប ដូច ជា ឧបករណ៍ ឆក់ ត្រជាក់ ឆក់ ក្ដៅ និង ឧបករណ៍ នេសាទ ខុស ច្បាប់ មួយ ចំនួន ទៀត ។ ទន្ទឹម នឹង នេះ គេហទំព័រ គណបក្សប្រជាជនកម្ពុជា បាន ដកស្រង់ សម្ដី របស់ សម្ដេចធិបតី ហ៊ុន ម៉ាណែត ថា ក្រោយ មាន ការ បង្ក្រាប តឹងរឹង ដោយ មាន ការចូលរួម ពី កងទ័ព នេះ ផល ត្រី សម្រាប់ ប្រជានេសាទ បាន កើនឡើង ច្រើន គួរឱ្យ កត់សម្គាល់ ។

លើស ពី នេះ តាម Phnom Penh Post លោក ហ៊ុន ម៉ាណែត ក៏ បាន លើកឡើង អំពី ការ បំផុស ឱ្យ ប្រជាពលរដ្ឋ ធ្វើ នេសាទ ខុស ច្បាប់ ដែល ជា បញ្ហា ធ្ងន់ធ្ងរ ។ លោក មាន ប្រសាសន៍ ថា « ថ្ងៃមុន មាន អ្នក ទៅ បំផុស ប្រជាពលរដ្ឋ ឱ្យ ទៅ ឆក់ ត្រី រាប់រយ នាក់ ហើយ កាលមុន មាន អ្នក ទៅ បំផុស ឱ្យ ចាប់ ដី បើ ចាប់ បាន យក ទៅ លក់ ។ អាឡូវ អ្នក បំផុស ហ្នឹង គេ ថា ឱ្យ ប្រជាពលរដ្ឋ ទៅ ឆក់ ឆក់ ហើយ បើ បាន គេ ទិញ ចឹង ទៀត តែ បើ ប្រឈម ច្បាប់ គេ រួច ខ្លួន ឥឡូវ រក មើល ចាប់ ឱ្យ បាន អ្នក បំផុស ហ្នឹង » ។ លោក បាន បញ្ជា ឱ្យ កង កម្លាំង ស្វែងរក និង ចាប់ខ្លួន អ្នក បំផុស ទាំងនេះ មក ផ្តន្ទាទោស ដើម្បី ទប់ស្កាត់ បទល្មើស នេសាទ តាំង ពី ដើមចម និង ការពារ ធនធាន ជលផល ឱ្យ បាន គង់វង្ស ។