នៅ ព្រឹក ថ្ងៃទី ២២ ខែ ឧសភា ឆ្នាំ ២០២៦ ទំព័រ ហ្វេសប៊ុក របស់ ក្រុម អ្នកនាំពាក្យ កងទ័ព ជើងគោក ថៃ បាន ផ្សាយ សារ មួយ ថា មាន ការ ឮ ស្នូរ ផ្ទុះ អាវុធ ចំនួន ៥ គ្រាប់ នៅ តំបន់ ភ្នំបាក់ ក្រុង សំរោង ខេត្ត ឧត្តរមានជ័យ ហើយ ចោទ ប្រកាន់ កង កម្លាំង កម្ពុជា ថា ជា អ្នក បង្ក ហេតុ ។ នេះ បើ តាម ការ រាយការណ៍ របស់ សារព័ត៌មាន Phnom Penh Post និង DAP News ។

យោងតាម ការ រាយការណ៍ ដដែល អ្នក នាំពាក្យ ក្រសួង ការពារជាតិ កម្ពុជា លោកស្រី ឧត្តមសេនីយ៍ឯក ម៉ាលី សុជាតា បាន បដិសេធ ទាំងស្រុង និង ចាត់ទុក ការ ផ្សាយ នោះ ថា ជា «ព័ត៌មាន មិន ពិត និង ជា ការ មួលបង្កាច់» ក្នុង គោលបំណង បង្ក ការ ភាន់ច្រឡំ បំភាន់ សាធារណមតិ និង បង្កើន ភាព តានតឹង នៅ តាម ព្រំដែន ។

លោកស្រី ក៏ បាន សង្កត់ធ្ងន់ ថា ក្រសួង ការពារជាតិ កម្ពុជា មិន អាច ទទួលយក បាន ទេ ចំពោះ ការ ផ្សព្វផ្សាយ ព័ត៌មាន មិន ពិត ជា បន្តបន្ទាប់ ពី សំណាក់ យោធា ថៃ និង ប្រព័ន្ធ ផ្សព្វផ្សាយ ថៃ ដែល ប៉ះពាល់ ដល់ កិត្តិយស កង យោធពល ខេមរភូមិន្ទ និង ជំនឿ ទុកចិត្ត ទៅវិញទៅមក ។ លោកស្រី បាន អំពាវនាវ ឲ្យ ភាគី ថៃ បញ្ឈប់ ការ ផ្សាយ ព័ត៌មាន មួលបង្កាច់ នេះ ជា បន្ទាន់ និង ត្រឡប់ មក គោរព និង អនុវត្ត ឲ្យ បាន ម៉ឺងម៉ាត់ នូវ កិច្ចព្រមព្រៀង នានា ដែល បាន ឯកភាព គ្នា កន្លង មក ជា ពិសេស ចំណុច ទី ៨ នៃ សេចក្ដី ថ្លែងការណ៍ រួម ចុះ ថ្ងៃទី ២៧ ធ្នូ ឆ្នាំ ២០២៥ ស្តី ពី ការ ប្រឆាំង ព័ត៌មាន ក្លែង ក្លាយ ដើម្បី កសាង ជំនឿ ទុកចិត្ត ទៅវិញទៅមក និង បង្កើត បរិយាកាស អំណោយផល ដល់ ការ ដោះស្រាយ ជម្លោះ ដោយ សន្តិវិធី ។ នេះបើតាម ការ រាយការណ៍ របស់ DAP News ។

ទន្ទឹម នឹង នេះ កម្ពុជា ប្ដេជ្ញា គោរព តាម ស្មារតី នៃ សេចក្ដី ថ្លែងការណ៍ រួម និង កិច្ចព្រមព្រៀង នានា ដើម្បី ដោះស្រាយ ជម្លោះ ដោយ សន្តិវិធី និង ស្ដារ ប្រក្រតីភាព សន្តិភាព និង ស្ថិរភាព យូរអង្វែង រវាង ប្រទេស ទាំងពីរ ។