តាម ការ រាយការណ៍ របស់ កាសែត New Straits Times ប្រចាំ ប្រទេស ម៉ាឡេស៊ី ក្រសួង ទំនាក់ទំនង ម៉ាឡេស៊ី កំពុង ពិចារណា ជម្រើស ផ្លូវច្បាប់ ដើម្បី ដោះស្រាយ ជាមួយ Facebook បន្ទាប់ ពី មាន ការ រិះគន់ ថា វេទិកា សង្គម នេះ មិន បាន ចាត់វិធានការ គ្រប់គ្រាន់ ក្នុង ការ ទប់ស្កាត់ ការឆបោក តាម អ៊ីនធឺណិត ដែល បាន ធ្វើ ឱ្យ ប្រជាពលរដ្ឋ ជា ច្រើន ទទួល រង គ្រោះ ។ តាម ប្រភព ដដែល រដ្ឋាភិបាល ម៉ាឡេស៊ី មិន ពេញចិត្ត ចំពោះ ការ ឆ្លើយតប របស់ Facebook ហើយ ចាត់ទុក ថា ការ ខ្វះ កិច្ចសហការ នេះ ជា បញ្ហា ធ្ងន់ធ្ងរ ។

កាសែត The Straits Times របស់ សិង្ហបុរី បាន រាយការណ៍ បន្ថែម ថា គណៈកម្មការ ទំនាក់ទំនង និង ពហុមេឌា ម៉ាឡេស៊ី (MCMC) នឹង ធ្វើ ការ ទាក់ទង ទៅ កាន់ Facebook ក្នុង ពេល ឆាប់ៗ នេះ ដើម្បី ពិភាក្សា អំពី បញ្ហា កង្វះ កិច្ចសហការ របស់ ក្រុមហ៊ុន ក្នុង ការ ទប់ស្កាត់ សកម្មភាព ឆបោក ។ MCMC ជា ស្ថាប័ន រដ្ឋាភិបាល ដែល ទទួល ខុសត្រូវ លើ ការ គ្រប់គ្រង វេទិកា ឌីជីថល និង ទំនាក់ទំនង នៅ ម៉ាឡេស៊ី ហើយ ស្ថិត ក្រោម ឱវាទ របស់ ក្រសួង ទំនាក់ទំនង ។

តាម ការ រាយការណ៍ របស់ សារព័ត៌មាន ទាំងពីរ បញ្ហា ការឆបោក តាម អ៊ីនធឺណិត បាន ក្លាយ ជាក្តី ព្រួយបារម្ភ ដ៏ ធំ មួយ នៅ ម៉ាឡេស៊ី ហើយ រដ្ឋាភិបាល បាន អំពាវនាវ ឱ្យ Facebook បង្កើន ការ ប្រុងប្រយ័ត្ន ជា ច្រើន លើក មក ហើយ ។ ប៉ុន្តែ ក្រុមហ៊ុន ហាក់ មិន បាន ធ្វើ តាម ដែល ជំរុញ ឱ្យ មាន ការ ពិចារណា ចាត់វិធានការ ផ្លូវច្បាប់ ។

យោងតាម របាយការណ៍ ទាំងពីរ រដ្ឋាភិបាល ម៉ាឡេស៊ី កំពុង ពិនិត្យ គ្រប់ លទ្ធភាព ផ្លូវច្បាប់ រាប់តាំង ពី ការ ចេញ សេចក្តី ព្រមាន ការ កោះហៅ តំណាង Facebook មក បំភ្លឺ រហូត ដល់ ការ ប្តឹង ទៅ តុលាការ ប្រសិនបើ គ្មាន ការ កែលម្អ ។ រហូត មក ដល់ ពេល នេះ Facebook ពុំ ទាន់ បាន ប្រកាស ការ ឆ្លើយតប ជា ផ្លូវការ ណា មួយ ចំពោះ ការ អះអាង របស់ រដ្ឋាភិបាល ម៉ាឡេស៊ី នៅ ឡើយ ទេ ។