នៅថ្ងៃព្រហស្បតិ៍ ទី ២ កក្កដា ២០២៦ ទីភ្នាក់ងារព័ត៌មាន Bloomberg របស់សហរដ្ឋអាមេរិក បានរាយការណ៍ថា រដ្ឋាភិបាលចិនបានពង្រឹងការព្រមានផ្លូវច្បាប់ទៅកាន់ប្រទេសជប៉ុន និងហ្វីលីពីន ដោយសំដៅទៅលើកិច្ចពិភាក្សាព្រំដែនសមុទ្រទ្វេភាគីដែលនឹងប្រព្រឹត្តិឡើងក្នុងពេលឆាប់ៗខាងមុខនេះ។

សារព័ត៌មាន The Straits Times របស់ប្រទេសសិង្ហបុរី ដែលចុះផ្សាយក្នុងថ្ងៃដដែលនោះ ក៏បានរាយការណ៍ស្របគ្នាដែរថា ការព្រមាននេះកើតឡើងស្របពេលដែលជប៉ុន និងហ្វីលីពីន ដែលជាសម្ព័ន្ធមិត្តរបស់សហរដ្ឋអាមេរិក បានទទួលស្គាល់ជាសាធារណៈថា ពួកគេទំនងជានឹងត្រូវបានអូសទាញចូលក្នុងជម្លោះប្រដាប់អាវុធណាមួយដែលផ្ទុះឡើងជុំវិញកោះតៃវ៉ាន់។

បើតាម Bloomberg ការព្រមានរបស់ចិននេះគឺជាផ្នែកមួយនៃយុទ្ធសាស្ត្របង្កើនសម្ពាធរបស់ទីក្រុងប៉េកាំងលើសម្ព័ន្ធមិត្តសំខាន់នៃសន្ធិសញ្ញាការពារជាតិរបស់អាមេរិកក្នុងតំបន់ គឺជប៉ុននិងហ្វីលីពីន ខណៈដែលប្រទេសទាំងពីរកំពុងព្យាយាមប្រឆាំងនឹងការអះអាងអំណាចដែនសមុទ្ររបស់ចិន។

កាសែត Nikkei Asia របស់ជប៉ុន និងកាសែត Taipei Times របស់តៃវ៉ាន់ ដែលបានចុះផ្សាយនៅថ្ងៃសុក្រ ទី ៣ កក្កដា បានបង្ហាញពីទស្សនៈបន្ថែម។ Nikkei Asia បានរាយការណ៍ថា ការជំរុញសកម្មភាពយោធារបស់ចិននៅភាគខាងកើតកោះតៃវ៉ាន់កំពុងសាកល្បងយន្តការទប់ស្កាត់រវាងជប៉ុននិងហ្វីលីពីន។ ចំណែកឯ Taipei Times បានសរសេរថា ចិននិងជប៉ុនកំពុង«ប៉ះទង្គិច»គ្នាជុំវិញបញ្ហាតៃវ៉ាន់ ដែលធ្វ