សារព័ត៌មាន ក្នុង តំបន់ និង អន្តរជាតិ ជាច្រើន បាន រាយការណ៍ នៅ ថ្ងៃ ទី ២៦ ខែ កក្កដា ឆ្នាំ ២០២៦ ថា នាវា ដឹកទំនិញ របស់ វៀតណាម ឈ្មោះ Khoi Nguyen 18 បាន លិច នៅ ក្នុង សមុទ្រចិនខាងត្បូង។

ព័ត៌មាន នេះ បាន ចេញ ផ្សាយ ដំបូង ដោយ ស្ថានីយ ទូរទស្សន៍ CCTV នៃ រដ្ឋាភិបាល ចិន ហើយ ត្រូវ បាន ដកស្រង់ បន្ត ដោយ Channel News Asia , New Straits Times , The Straits Times និង AsiaOne។

តាម ការ រាយការណ៍ របស់ CCTV នាវា នេះ មាន ពលរដ្ឋ វៀតណាម នៅ លើ នាវា ចំនួន ៦២ នាក់ ហើយ បាន ជួប ប្រទះ គ្រោះថ្នាក់ នៅ ក្នុង តំបន់ ទឹក ក្បែរ ថ្មប៉ប្រះទឹក Fiery Cross Reef។

ក្រុម អ្នក ជួយ សង្គ្រោះ បាន ទាញ មនុស្ស ៣៩ នាក់ ចេញ ពី ក្នុង ទឹក ដោយ សុវត្ថិភាព ខណៈ មនុស្ស ២៣ នាក់ ទៀត កំពុង បាត់ខ្លួន ហើយ ប្រតិបត្តិការ ស្វែងរក កំពុង ដំណើរការ យ៉ាង សកម្ម។

New Straits Times បាន ពណ៌នា ថា ឧបទ្ទវហេតុ នេះ បាន កើត ឡើង នៅ លើ ផ្លូវ ទឹក ដ៏ មមាញឹក មួយ នៃ សមុទ្រចិនខាងត្បូង ដែល ជា ផ្លូវ ដឹកជញ្ជូន អន្តរជាតិ ដ៏ សំខាន់។

មក ទល់ ពេល នេះ មូលហេតុ ពិតប្រាកដ នៃ ការ លិច នាវា នេះ មិន ទាន់ ត្រូវ បាន បញ្ជាក់ ឲ្យ ដឹង ជា សាធារណៈ នៅ ឡើយ ទេ។ រដ្ឋាភិបាល វៀតណាម និង អាជ្ញាធរ ពាក់ព័ន្ធ ផ្សេង ទៀត ក៏ មិន ទាន់ បាន ចេញ សេចក្តី ថ្លែងការណ៍ ផ្លូវការ ណា មួយ ដែរ។ សារព័ត៌មាន ដែល បាន ចុះ ផ្សាយ ដំណឹង នេះ សុទ្ធ សឹង ពឹងផ្អែក លើ ប្រភព តែ មួយ គត់ គឺ CCTV ហើយ កំពុង រង់ចាំ ព័ត៌មាន បន្ថែម។